حكايات أوانا

إستمتع بمشاركات و قصص أوانا من أطفال و شباب و أباء

الكنيسة الرسولية طحا

نادي اوانا شيق ولذيذ فيه نعرف كلمة الله ونحس ان الله موجود فى كل مكان. برنامج اوانا فيه المنافسة فى اللعب حتى لو انهزمت ماستسلمش وابقى قوى. وفى ترنيمة بتقول (انت كسبت برافو عليك ادينا قضينا وقت سعيد ... انا خسرت ايدى فى ايديك يالا نلعب من جديد). من برنامج اوانا اتعلمت يعنى ايه خطية وهى عصيان شريعة الله, لما نعمل الخطية ربنا بيزعل علينا علشان احنا اولاده وهو بيحبنا. اتعلمت عن الخلاص وهو التحرير النهائى من عقاب الخطية وعجبتنى الاية اللى فى تيطس 5:3 (لا باعمال فى بر عملناها نحن بل بمقتضى رحمته خلصنا بغسل الميلاد الثانى وتجديد الروح القدس).

م.ب

الكنيسة الرسولية طحا

برنامج اوانا علمنى حاجات كتيرة حلوة خالص مثلا يعنى من خلال قصة موسى اللى حكاهلنا الاستاذ عرفت ان الله يحب اولاده ويقدر ينقذنا وكمان يسمع صلاتنا علشان كده انا خالى كان تعبان خالص وعنده عملية صعبة وبيت جدى كلهم كانوا زعلانين, انا صليت وكنت عارفه ان الله هيسمعنى وفعلا صليت من اجل خالى والعملية وراح خالى عند الدكتور والدكتور قاله ان مفيش حاجة انا فرحت خالص لان اول مرة احس ان الله يسمعنى بس عرفت ان الله دايما يسمعنى بس انا مش باطلب, لكن دلوقتى عرفت انه بيسمع وان انا حد قريب من الله.

م.م

الكنيسة الرسولية البرجاية

انا ماكنتش باقدر احفظ آيات كتير لكن بسبب مساعدة الرب لى ومساعدة البرنامج صرت عارفه جزء كبير من الآيات ومن القصص, وتعلمت كمان معلومات كتيرة. انا باشكر يسوع وكمان باشكركم على تعبكم والرب يعطيكم على حسب تعبكم.

الكنيسة الرسولية البرجاية

الكنيسة الرسولية البرجاية

انا حفظت آيات كتير لدرجة ان لما الخادم بيقول اية او قصة انا بافتخر انى اعرفها, كمان وقت المجلس عرفت منه معلومات كتير. باشكر كل قائد تعب معانا. انا باحب اوانا جدا.

الكنيسة الرسولية البرجاية

الكنيسة الرسولية البرجاية

انا كنت خجولة جدا لكن بسبب برنامج اوانا علمنى ازاى اكون شجاعة وكمان اتعلمت آيات كتير وشكرا للقادة.

الكنيسة الرسولية البرجاية